نیوزی لینڈ کرکٹ ٹیم کے دورہ پاکستان کیلئے کیوی ٹیم کو سینئر اور تجربہ کار کھلاڑیوں کی عدم دستیابی کا امکان ہے
ذرائع کے مطابق نیوزی کرکٹ ٹیم سرکردہ کھلاڑیوں کی خدمات سے محروم ہو گی کیونکہ سینئر اور تجربہ کھلاڑی دورہ پاکستان کے دوران آئی پی ایل کھیل رہے ہوں گے۔کین ولیمسن، ڈیون کانوے ، ڈیرل مچل، راچن رویندرا، مچل سینٹنرآئی پی ایل فرنچائزز کا حصہ ہیں، لوکی فرگوسن، ٹرینٹ بولٹ اور گلین فلپس بھی بھارتی لیگ میں شامل ہیں۔بھارتی بورڈ نے 22مارچ سے 7اپریل تک آئی پی ایل کے ابتدائی 21میچزکا شیڈول جاری کر رکھا ہے۔
آئی پی ایل کے دوسرے مرحلے کا شیڈول بھارتی الیکشن کی تاریخ کے علان کے بعد کیا جائے گا۔آئی پی ایل فائنل26مئی کو کھیلے جانے کا امکان ہے۔بھارتی الیکشن اپریل اور مئی میں ہونے کی توقع ہے۔ذرائع کا بتانا ہے کہ نیوزی لینڈ کے دورہ پاکستان اور بھارتی لیگ کی تاریخیں متصادم ہیں۔نیوزی لینڈ نے اپریل کے وسط میں پانچ ٹی ٹوئنٹی میچز کی سیریز کے لیے پاکستان کا دورہ کرنا ہے۔دورے کی مجوزہ تاریخ 14سے 28اپریل ہے۔پہلا ٹی ٹوئنٹی میچ 18اپریل کو تجویز کیا گیا ہے۔ سیریز راولپنڈی اور لاہور میں ہونے کا امکان ہے۔
