نوشہرہ میں ٹریفک حادثہ میں 2 افراد جاں بحق ہوگئے ہیں۔
ضلع نوشہرہ میں رات کے پہر جہانگیرہ چوک کے مقام پر موٹر وے پولیس کی گاڑی ٹریفک حادثہ کا شکار ہو گئی۔ اس ٹریفک حادثہ میں موٹر وے پولیس کے اہلکار سمیت 2 افراد جاں بحق ہو گئے ہیں۔واقعے میں ایک پولیس اہلکار شدید زخمی بھی ہوا ہے۔اسی حوالے سے ابتدائی اطلاعات کے مطابق تیز رفتار مزدہ گاڑی بے قابو ہو کر روڈ کنارے کھڑی موٹر وے پولیس کی گاڑی سے جا ٹکرائی۔
اس حادثے کے باعث جاں بحق ہونیوالوں میں طارق اقبال (ڈرائیور) سكنہ بھکر اور مزمل (موٹر وے پولیس اہلکار) شامل ہیں جبکہ اس کے برعکس موٹر وے پولیس کا ایک اہلکار خالد عثمان ٹریفک حادثے میں زخمی ہوا ہے۔ریسکیو 1122 نوشہرہ کی میڈیکل ٹیم نے جائے حادثہ پر بروقت پہنچ کر زخمیوں کو ابتدائی طبی امداد فراہم کی اور ساتھ ہی فوری طور پر ان کو ہسپتال منتقل کردیا۔واضح رہے کہ نوشہرہ میںٹریفک حادثہ میں2 افراد جاں بحق ہو گئے ہیں.
