خواتین کے عالمی دن کے موقع پروزارت صحت غزہ نے کہا کہ غزہ میں 60ہزار حاملہ خواتین غذائی قلت اور پانی کی کمی کا شکار ہیں
ترجمان وزارت صحت غزہ نے کہاخواتین کے عالمی دن کے موقع پر عالمی برادری سے مطالبہ ہے کہ فلسطینی خواتین کی حمایت میں اسرائیل جارحیت کے خاتمے کیلئے آواز اٹھائیں۔7اکتوبر سے اب تک 9000خواتین شہید ہوچکی ہیں،ہرروز 37، فلسطینی مائیں شہید ہوتی ہیں،غزہ کی 95فیصد مائیں اپنے بچوں کو کھانا کھلانے کے لئے کھانا چھوڑتی ہیں۔دوسری جانب اسپین حکام کا کہنا ہے کہ انروا کو22ملین ڈالر فراہم کیے جائیں گے تاکہ وہ غزہ میں امدادی کارروائیاں کرسکے۔رہنما حماس کا کہنا ہے کہ اسرائیل فلسطینی گروہوں کی شرائط مانے تک اپنے یرغمالیوں کی رہائی چاہتاہے۔ادھرامریکی سینٹ کام نے تشویش کا اظہار کرتے ہوئے کہا ہے کہ کئی دہائیوں بعد مشرق وسطی کو تباہ کن صورت حال کا سامنا ہوا ہے۔
