سیکیورٹی فورسز نے بلوچستان کے علاقے ہرنائی میں دہشت گردوں کے خلاف کامیاب آپریشن کیا ہے جس میں کالعدم بی ایل اے کے 6 اہم دہشتگرد ہلا ہو چکے ہیں ۔
سیکیورٹی ذرائع کے مطابق بلوچستان کے علاقے ہرنائی میں سیکیورٹی فورسز نے 12 ستمبر 2024ء کو بی ایل اے کے ٹھکانوں پر انٹیلیجنس بنیادوں پر کامیابی سے جوائنٹ آپریشن کیا۔
آپریشن کے نتیجے میں بی ایل کے 6 اہم دہشتگرد جہنم واصل ہوئے،ہلاک دہشتگردوں میں شافو سمالانی عرف تادین، سرمد خان عرف دستین، محمد گل مری عرف واحد بلوچ، غلام قادرمری عرف انجیر بلوچ، عبید بلوچ عرف فدا اور تاج محمد عرف بابل شامل ہیں۔
ذرائع کا کہنا ہے کہ تمام ہلاک دہشت گرد سیکیورٹی فورسز اور معصوم لوگوں پر براہ راست حملوں میں ملوث تھے۔
دوسری جانب دفاعی ماہرین نے کہا ہے کہ کالعدم بی ایل اے کے 6 دہشت گردوں کی ہلاکت سیکیورٹی فورسز کی بڑی کامیابی ہے، ان دہشتگردوں کی ہلاکت کالعدم تنظیم کے لیے بڑا دھچکا ہے۔
انھوں نے مزید کہا ہے کہ سیکیورٹی فورسز کی کامیاب کاررواءی واضح کرتی ہے کہ دہشت گردوں کی کمر ٹوٹ چکی ہے، بلوچستان کے غیور عوام نے نام نہاد آزادی کا لبادہ اوڑھے دہشت گردوں کو مسترد کر دیا ہے۔
