پاک فوج کے شعبہ تعلقات عامہ کی جانب سے جاری بیان کے مطابق ضلع لکی مروت میں سیکیورٹی فورسز نے خفیہ اطلاع پر کارروائی کی ہے ۔
آئی ایس پی آر نے کہا ہے کہ کارروائی کے دوران 5 دہشتگردہلاک جبکہ دو زخمی حالت میں گرفتار ہوگئے۔
آئی ایس پی آر کے مطابق سیکیورٹی فورسز نے 4 دسمبر کو ضلع لکی مروت میں دہشتگردوں کی موجودگی کی خفیہ اطلاع پر آپریشن کیا جس میں علاقے میں موجود دہشتگردوں کے ٹھکانے کو مؤثر طریقے سے نشانہ بنایا گیا۔
آئی ایس پی آر کا کہنا ہے کہ علاقے میں کسی بھی باقی ماندہ دہشتگردوں کے خاتمے کے لیے کلیئرنس آپریشن جاری ہے۔ سیکیورٹی فورسز ملک سے دہشت گردی کے ناسور کو جڑ سے اکھاڑ پھینکنے کے لیے پرعزم ہیں ۔
