شمالی وزیرستان میں سکیورٹی فورسز کا آپریشن، ایوب اللہ عرف منصور سمیت دو دہشت گرد ہلاک

شمالی وزیرستان میں سکیورٹی فورسز کے آپریشن میں ایوب اللہ عرف منصور سمیت دو دہشت گرد ہلاک کر دئیے گئے۔ پاک فوج کے شعبہ تعلقات عامہ  کے مطابق سیکیورٹی فورسز نے شمالی وزیرستان میں خفیہ اطلاعات پر آپریشن کیا جس کے دوران 2 دہشت گرد مارے گئے۔ ہلاک دہشت گردوں میں لیڈر ایوب اللہ عرف منصور بھی شامل ہے۔ ہلاک دہشت گردوں کے قبضے سے ہتھیار ، گولہ بارود اور دھماکا خیز مواد بھی  برآمد کیا گیا ہے۔

آئی ایس پی آر کا کہنا تھا کہ دہشت گرد شہریوں کی ٹارگٹ کلنگ، اغواء برائے تاوان کی واردتوں میں ملوث تھے، علاقے میں مزید دہشت گردوں کی تلاش کے لئے سرچ آپریشن جاری ہے۔ دہشت گردوں کیخلاف کارروائی پر مقامی آبادی کی جانب سے سکیورٹی فورسز کو خراج تحسین پیش کیا گیا ہے۔