آئی ایس پی آر کی جانب سے جاری بیان میں کہا گیا ہے کہ خیبر پختونخوا میں سکیورٹی فورسز کے 3 آپریشنز میں 22 دہشت گرد ہلاک جبکہ 6 جوان شہید ہو گئے ۔
آئی ایس پی آر کے مطابق پہلی کارروائی ضلع ٹانک کے علاقہ گل امام میں دہشت گردوں کی موجودگی کی اطلاع پر کی گئی، کارروائی کے دوران 9 دہشت گرد ہلاک اور 6 زخمی ہوگئے ۔
آئی ایس پی آر کے بیان کے مطابق دوسری کارروائی شمالی وزیرستان میں کی گئی جہاں 10 دہشت گردوں کو جہنم واصل کر دیا گیا ۔
آئی ایس پی آر نے کہا ہے کہ تیسری کارروائی ضلع تھل میں کی گئی جہاں سکیورٹی فورسز کی چوکی پر حملے کی کوشش ناکام بنا دی گئی، کارروائی کے دوران 3 دہشت گرد ہلاک کر دیئے گئے ۔
بیان میں مزید کہا گیا ہے کہ شدید فائرنگ کے تبادلے میں 6 جوانوں نے جام شہادت نوش کیا ۔
آئی ایس پی آر نے یہ بھی کہا ہے کہ علاقے میں مزید کسی دہشت گرد کے خاتمے کیلئے سینی ٹائزیشن آپریشن جاری ہے، سکیورٹی فورسز ملک سے دہشت گردی کے خاتمے کیلئے پرعزم ہیں ۔
