پہلگام واقعے کے بعد بھارت کی جانب سے جاری ڈرامے اور جارحیت کے بعد پاکستان نے اقوام متحدہ سے باضابطہ رجوع کرنے کا فیصلہ کرلیا ۔
اسلام آباد: دفتر خارجہ کی جانب سے جاری اعلامیے میں کہا گیا ہے کہ پاکستان نے سلامتی کونسل کو خطے کی صورتحال پر باضابطہ بریفنگ دینے کا فیصلہ کیا ہے ۔
نائب وزیراعظم و وزیر خارجہ اسحاق ڈار نے اقوام متحدہ میں پاکستان کے مستقل مندوب کو سلامتی کونسل کا اجلاس بلانے کے لیے فوری اقدامات کی ہدایت کردی ۔
اعلامیے کے مطابق پاکستان سلامتی کونسل کوبھارت کے جارحانہ اقدامات سے آگاہ کرےگا جبکہ سندھ طاس معاہدے کو معطل کرنے کے بھارتی غیرقانونی اقدامات کو بھی اجاگر کیا گا ۔
دفتر خارجہ نے اپنے بیان میں مزید کہا ہے کہ پاکستان کی جانب سے واضح کیا جائے گا کس طرح بھارتی جارحانہ اقدامات خطے کی سلامتی کو خطرے میں ڈال رہے ہیں ۔
دفتر خارجہ کے اعلامیے مین یہ بھی کہا گیا ہے کہ سفارتی اقدام پاکستان کی عالمی برادری کے سامنے حقائق پیش کرنے کی کوششوں کا حصہ ہے ۔
