پاکستان نے تین ایک روزہ میچوں کی سیریز کے پہلے میچ میں آسٹریلیا کو 5 وکٹ سے ہرادیا، 201 رنز کا ہدف قومی ٹیم نے 43ویں اوور میں 5 وکٹ کے نقصان پر حاصل کرکے کامیابی حاصل کی ۔
راولپنڈی میں کھیلے گئے میچ میں پاکستان نے آسٹریلیا کے خلاف ٹاس جیت کر پہلے فیلڈنگ کا فیصلہ کیا، آسٹریلیا کی پوری ٹیم 45 ویں اوور میں 200 رنز پر آؤٹ ہوگئی ۔
آسٹریلیا کی جانب سے میھتیو رن شا 61، میتھیو شارٹ 55، میتھیو کوہنمین نے 24 رنز کی اننگز کھیلیم پاکستان کی جانب سے ڈیبیو کرنے والے عرفات منہاس نے 32 رنز کے عوض 5 وکٹیں حاصل کرکے شاندار بولنگ کی ۔
قومی ٹیم کے دیگر بولرز میں ابرار احمد نے 2 جب کہ کپتان شاہین آفریدی، سلمان آغا اور حارث رؤف نے ایک ایک وکٹ اپنے نام کی ۔
پاکستان نے 201 رنز کا ہدف 43 ویں اوور میں 5 وکٹ کے نقصان پر حاصل کرلیا، بابر اعظم 69 ،غازی غوری 65 رنز بنا کر نمایاں رہے، صاحبزادہ فرحان نے 28 اور عرفات منہاس نے 18 رنز بنائے ۔
اپنے پہلے ہی میچ میں شاندار بولنگ کا مظاہرہ کرتے ہوئے 5 وکٹیں لینے پر عرفات منہاس میچ کے بہترین کھلاڑی قرار دیئے گئے ۔
پاکستان کو تین میچوں کی سیریز میں ایک صفر کی برتری حاصل ہوگئی، سیریز کا دوسرا ون ڈے دو جون اور آخری میچ 4 جون کو لاہور میں کھیلا جائےگا ۔
