بلاوائیو: پاکستان نے پہلے ٹی ٹوینٹی میچ میں زمبابوے کو شکست دے کر 3 میچوں کی سیریز میں ایک صفر کی برتری حاصل کی ، قومی ٹیم کے کپتان سلمان علی آغا نے ٹاس جیتا اور پہلے بیٹنگ کرنے کا فیصلہ کیا ۔
پاکستان نے مقررہ اوورز میں 4 وکٹوں کے نقصان پر 165 رنز بنائے ، طیب طاہر اور عثمان خان نے 39، 39 رنز کی اننگز کھیلی ، عرفان خان 27، صائم ایوب 24 ، عمیریوسف 16 اورکپتان سلمان آغا 13رنز بناکر آؤٹ ہوئے۔
زمبابوے کے سکندر رضا اور رچرڈ گراوا، ویلنگٹن مساکاڈزا اور ریان برل نے ایک ایک وکٹ حاصل کی۔
پاکستان کے 166 رنز ہدف کے تعاقب میں زمبابوے کی پوری ٹیم 16 ویں اوور میں 108 رنز پر ڈھیر ہوگئی اور اور یوں پاکستان نے پہلا ٹی ٹوینٹی میچ 57 رنز سے اپنے نام کیا ۔
میزبان ٹیم زمبابوے کی جانب سے سکندر رضا 39 اور ٹاڈی واناشے 33 رنز بناکر نمایاں رہے۔گرین شرٹس کی جانب سے ابرار احمد اور سفیان مقیم نے 3 ،3 وکٹیں اپنے نام کیں جبکہ حارث رؤف نے 2 اور جہانداد خان نے ایک وکٹ حاصل کی۔
طیب طاہر بہترین بیٹنگ پر پلیئر آف دی میچ قرار پائے۔ پاکستان نے 3 ٹی ٹوئنٹی میچز کی سیریز میں ایک صفر کی برتری حاصل کرلی ہے۔
پاکستان اور زمبابوے کے درمیان دوسرا ٹی ٹوینٹی میچ 3 اور آخری میچ 5 دسمبر کو کھیلا جائے گا ۔خیال رہے کہ اس سے قبل پاکستان نے 3 ون ڈے میچز کی سیریز میں 2 میچز میں فتح حاصل کرکے سیریز اپنے نام کی تھی۔
