چین میں جاری ایشین ہاکی چیمپئنز ٹرافی ٹورنامنٹ کے اہم میچ میں پاکستان نے میزبان ٹیم کو ایک کےمقابلےمیں پانچ گول سے شکست دے دی ۔
چین کو شکست دینے کے بعد قومی ہاکی ٹیم نے ایونٹ کے سیمی فائنل کیلئے کوالیفائی کرلیا ۔
پاکستان کی طرف سے حنان شاہد اور ندیم احمد نے دو دو گول اسکور کئے۔ عبدالرحمن نے ایک گول اسکور کیا۔ پاکستان کے چارمیچز کے بعد آٹھ پوائنٹس ہوگئے ہیں۔
پاکستان اپنا آخری لیگ میچ روایتی حریف بھارت کے خلاف کھیلے گا۔ دونوں ٹیمیں اب تک ایونٹ میں ناقابل شکست ہیں۔
