وزیر خزانہ کے مطابق آئی ایم ایف سے پاکستان بڑا اور طویل مدت کا پروگرام چاہتا ہے
وزیر خزانہ محمد اورنگزیب کے مطابق آئی ایم ایف سے پاکستان بڑا اور ملکی تاریخ کا سب سے طویل مدت کا پروگرام لینے کا خواہاں ہے۔وفاقی وزیر خزانہ محمد اورنگزیب نے کہا کہ آئی ایم ایف سے پاکستان کوٹہ کے حساب سے بڑا پروگرام لینے کی کوشش کرے گا،سب سے طویل مدت کا ملکی تاریخ کا پروگرام لینے کے خواہاں ہیں۔محمد اورنگزیب کے مطابق آئی ایم ایف پروگرام میں تسلسل سے ہی معاشی نظم و ضبط رہے گا، آئی ایم ایف سے زیادہ معیشت کی بہتری ہماری حکومت کا ہدف ہے،وزیراعظم شہباز شریف کا ویژن معیشت کی بہتری کے لیے واضح ہے،معاشی نظم و ضبط وزیراعظم نے قائم رکھنے کی سخت ہدایت کی ہے۔
مزید وزیر خزانہ نے کہا کہ آئی ایم ایف سے موجودہ قرض پروگرام کی آخری قسط میں کوئی رکاوٹ نہیں، موجودہ پروگرام کی آئی ایم ایف نےآخری قسط میں 1.1 ارب ڈالردینے ہیں۔ان کے مطابق آئی ایم ایف کےابتدائی خاکہ نئے قرض پروگرام کا تیار کر رہے ہیں، معاشی استحکام آئی ایم ایف اور حکومت پاکستان کا مشترکہ ہدف ہے، ماحولیات کی فنڈنگ پر بھی قرض پروگرام کے ساتھ بات ہوسکتی ہے۔ کچھ ممالک کو ماحولیات کی بہتری کےلیے آئی ایم ایف کوٹے سے زیادہ قرض دیتا رہا ہے۔
وزیر خزانہ کے مطابق نگران حکومت نے معیشت کی بہتری کے لیےاچھا کام کیا، نجکاری کے معاملات فواد حسن فواد نے بڑی دلچسپی اور محنت سے چلائے۔مزید انہوں نے کہا کہ ٹیکس آمدن کو ڈیجیٹل طریقے سے جمع کرنا چاہتے ہیں،حکومت کی اولین ترجیحات میں ٹیکس نظام میں شفافیت شامل ہے، قومی آمدنی میں ٹیکسوں کا حصہ 10 فیصد تک پہنچانا چاہتے ہیں۔
