مقبوضہ فلسطین کے علاقے غزہ کے لیے پاکستان کی ایک اور امدادی کھیپ مصر پہنچ گئی، امدادی سامان مصرکی ریڈ کریسنٹ سوسائٹی کے حوالے کردیا گیا ۔
پاکستانی سفارت خانے کے ترجمان نے بتایا کہ پاکستان سے خصوصی پرواز 100 ٹن امدادی سامان لے کر مصر پہنچی اور قاہرہ میں پاکستانی سفارتخانے کے اہلکاروں نے امدادی سامان وصول کیا ۔
ترجمان پاکستانی سفارتخانے کا مزید کہنا تھا کہ غزہ کے لیے امدادی سامان مصرکی ریڈ کریسنٹ سوسائٹی کے حوالے کردیا گیا ۔
ترجمان نے یہ بھی بتایا کہ غزہ کے لیے مجموعی امداد اب تک 1915 ٹن تک پہنچ چکی ہے، پاکستان سے مزید امدادی سامان آئندہ چند روز میں مصر پہنچے گا ۔
