بنوں کے علاقے بکاخیل میں ایف ڈبلیو او کے اہلکاروں کی گاڑی دریا میں جا گری حادثے میں دو اہلکاروں کے جسد خاکی اور 7 اہلکاروں کو زخمی حالت میں نکال دیا گیا جبکہ دیگر کی تلاش کیلئے ریسکیو آپریشن جاری ہے ۔
بنوں: گاڑی سپین وام سے بنوں کی طرف جا رہی تھی اور اس میں 18 اہلکار سوار تھے، ریسکیو اہلکاروں نے پانی سے دو اہلکاروں کی لاشیں اور 7 زخمی افراد کو نکال لیا ، جبکہ باقی لاپتہ افراد کی تلاش کے لیے ریسکیو آپریشن جاری ہے ۔
سیکیورٹی ذرائع کے مطابق بنوں کے بکاخیل کے علاقے گربز میں پاک فوج کے انجینئرنگ ونگ (فیڈرل ورکس آرگنائزیشن) کی گاڑی دریائے ٹوچی میں گر گئی ۔
ذرائع کے مطابق پاک فوج کا ڈمپر شمالی وزیرستان کے سپین وام سے بنوں کی طرف جا رہا تھا جس میں 18 اہلکار سوار تھے ۔
ایف ڈبلیو او کی یہ گاڑی گربز کے علاقے میں دریا میں گرنے سے حادثے کا شکار ہوئی ۔
واقعے کے بعد مقامی لوگوں اور ریسکیو ٹیموں نے فوری طور پر امدادی کارروائیاں شروع کر دیں اور لاپتہ اہلکاروں کی تلاش جاری ہے ۔
