کانز فیسٹیول میں پاکستان کی مختصر فلم ’جامن کا درخت‘ نے ایوارڈ جیت لیا ہے
دنیا کے سب سے بڑے فلم کانزفیسٹیول میں پاکستان کی مختصر فلم ’جامن کا درخت‘ نے ایوارڈ اپنے نام کر لیا ہے۔ انسٹاگرام پر فلم کے ہدایتکار رافع راشدی نے ایک پوسٹ میں اعلان کیا ہے کہ اداکار عدنان صدیقی کے منفی کردار پر مبنی ان کی فلم ’جامن کا درخت‘ نے فلم فیسٹیول کانز میں بہترین سماجی انصاف پر مبنی مختصر فلم کی کیٹگری کا ایوارڈ جیت لیا ہے۔اپنی پوسٹ میں ہدایتکار رافع راشدی نے کانز فیسٹیول میں ایوارڈ جیتنے پرپوری ٹیم اور فلم کی کاسٹ کو مبارکباد دی ہے
گزشتہ ماہ مختصر فلم ’جامن کے درخت‘ کا ٹریلر جنوری میں ریلیز کیا گیا تھا۔بی گل نے ،میاں بیوی کے تعلقات اور گھریلو تشدد پر مبنی فلم کی کہانی لکھی ہے جبکہ فلم کو فیصل کپاڈیا نے پروڈیوس کیا ہے۔فلم جامن کا درخت کی کہانی عورت اور مرد کے تعلقات، جنسی حملوں،ہراسانی، اور ہوس پرستی کے موضوعات کا احاطہ کرتی ہے۔عدنان صدیقی کو فلم میں شوبز انڈسٹری کے نامور شخص کریم کے منفی کردار میں دکھایا گیا ہے۔عدنان صدیقی کے علاوہ فلم کی کاسٹ میں ماہا طاہرانی اور فوزیہ امن بھی شامل ہیں۔
