پیرس میں 26 جولائی کو شروع ہونے والے اولمپکس مقابلےاتوار 11اگست کو اپنے اختتام کو پہنچ گئے۔
پیرس اولمپکس میں تمغوں کی دوڑ امریکا نے جیت لی،چین کا دوسرا جبکہ جاپان کا تیسرا نمبر رہا ۔
اولمپکس 2024 میں امریکا نے 40 گولڈ،44 سلور اور 42 برانز میڈل اپنے نام کئے۔
پیرس اولمپکس میں امریکا کے ایتھلیٹس نے مجموعی طور پر 126 تمغے اپنے نام کئے۔
چین 40 گولڈ،27 سلور میڈلز سمیت 91 تمغے جیت کر دوسرے نمبر پر رہا ۔
پیرس اولمپکس میں جاپان نے 20 گولڈ میڈلز سمیت 45 میڈل جیتے اور تیسری پوزیشن حاصل کی۔
آسٹریلیا 18 گولڈمیڈلز سمیت 53 تمغوں کے ساتھ چوتھے نمبر پر رہا۔
امریکا نے مسلسل چوتھے اولمپکس میں میڈل ٹیبل پر پہلا نمبر لیا۔
واضح رہے کہ پیرس اولمپکس میں پاکستان کے ہیرو جویلین تھرور ارشد ندیم نے بھی گولڈ میڈل اپنے نام کیا ہے ۔
