پنجاب سے گندم کی بندش کی وجہ سے پشاور میں 80 کلو آٹے کے تھیلے کی قیمت میں ایک ہزار روپے تک کا اضافہ ہوگیا ہے۔
ذرائع کے مطابق کے پی کے درالحکومت پشاور میں آٹے کی قیمتوں میں اضافے کا سلسلہ تھم نہ سکا،شہر بھر میں 80 کلو آٹے کا تھیلا ایک ہزار روپے جبکہ 20 کلو آٹے کا تھیلہ 400 روپے تک مہنگا ہوگیا ہے۔
فائن 80 کلو کا تھیلا 7500 سے بڑھ کر 8500 ہزار روپے تک کا کردیا گیا ہے جبکہ اس کے ساتھ ہی 20 کلو کا تھیلا بھی 400 روپے تک مہنگا ہو گیا ہے۔پنجاب سے آٹا ڈیلرز نے گندم کی بندش اور ذخیرہ اندوزی کو وجہ قرار دے ڈالا ہے۔
آٹے کے قیمتوں میں اضافہ ہونے کی وجہ سے نانبائیوں نے بھی روٹی کی قیمت کو بڑھانے کا ارداہ کرلیا ہے۔جبکہ اس کے برعکس حکومت سے شہریوں نے معاملے کا نوٹس لے کر آٹے کی قمیتوں میں کمی کا مطالبہ کر دیا ہے۔
