مسلم لیگ ن نے ضمنی انتخابات میں میدان مارلیا، قومی اسمبلی کی 6 اور پنجاب کی صوبائی اسمبلی کی 7 نشستوں پر ہونے والے ضمنی انتخابات کے مکمل نتائج سامنے آگئے، تحریک انصاف کی چھوڑی ہوئی تقریباً تمام نشستوں پر ن لیگ کے امیدوار کامیاب ہوگئے ۔
ن لیگ نے قومی اسمبلی کی تمام 6 نشستوں پر کامیابی سمیٹ لی جبکہ صوبائی اسمبلی کی بھی 7 میں سے 6 نشستیں ن لیگ کے حصے میں آئی، پیپلز پارٹی صوبائی اسمبلی کی صرف ایک نشست پر کامیابی حاصل کرسکی ۔
این اے 18 ہری پور: ۔
ضمنی انتخابات میں سب سے بڑا اَپ سیٹ ہری پور حلقہ این اے 18 میں ہوا جہاں مسلم لیگ ن کے امیدوار نے کامیابی حاصل کی جبکہ پی ٹی آئی کی حمایت یافتہ آزاد امیدوار شہرناز کو شکست کا سامنا کرنا پڑا ۔
ہری پور: غیر حتمی غیر سرکاری نتائج کے مطابق مسلم لیگ ن کے بابر نواز خان نے حلقہ این اے 18 ہری پور کے ضمنی انتخاب میں ایک لاکھ 63 ہزار 996 ووٹ لے کر کامیابی حاصل کی ۔
تحریک انصاف اپنی ہی سیٹ ہار گئی اور پی ٹی آئی کی حمایت یافتہ شہرناز عمر ایوب ایک لاکھ بیس ہزار 220 ووٹ حاصل کر سکیں ۔
شہرناز عمر ایوب سابق قائد حزب اختلاف عمر ایوب خان کی اہلیہ ہیں، یہ نشست عمر ایوب کے نااہل ہونے پر خالی ہوئی تھی۔ عمر ایوب کو 9 مئی ہنگامہ آرائی کیس میں سزا سنائی گئی تھی ۔
این اے 96 فیصل آباد: ۔
حلقہ این اے 96 فیصل آباد کے تمام 345 پولنگ اسٹیشنز کے نتائج آگئے، غیر حتمی غیر سرکاری نتائج کے مطابق ن لیگ کے بلال بدر چوہدری سب سے زیادہ 93 ہزار9 ووٹ حاصل کرنے میں کامیاب رہے ، بلال بدر چوہدری وزیرمملکت طلال چوہدری کےبھائی ہیں ۔
این اے 104 فیصل آباد: ۔
حلقہ این اے 104 فیصل آباد 10 کی نشست بھی ن لیگ کے حصے میں آئی جہاں غیر حتمی غیر سرکاری نتائج کے تحت ن لیگ کے دانیال احمد 52 ہزار 791 ووٹ لے کر کامیاب قرار پائے جبکہ آزاد امیدوار رانا عدنان جاوید 19 ہزار 262 ووٹ لیکر دوسرے نمبر پر رہے ۔
این اے 129 لاہور: ۔
قومی اسمبلی کے حلقہ این اے 129 لاہور کے تمام 334 پولنگ اسٹیشنز کے غیرحتمی غیر سرکاری نتائج سامنے آگئے جس کے مطابق مسلم ليگ ن کے حافظ میاں محمد نعمان سب سے آگے رہے ، انہوں نے 63 ہزار 441 ووٹ حاصل کیے جبکہ پی ٹی آئی کے حمایت یافتہ آزاد امیدوار ارسلان احمد 29 ہزار 99 ووٹ ووٹ لےکر دوسرے نمبر پر رہے ۔
حلقہ این اے 128 کی یہ نشست پی ٹی آئی کے میاں اظہر کی وفات سے خالی ہوئی تھی ۔
این اے 143 ساہیوال: ۔
قومی اسمبلی کے حلقہ این اے 143 ساہیوال 3 کے غیر حتمی غیر سرکاری نتیجے کے مطابق مسلم ليگ ن کے محمد طفیل جٹ ایک لاکھ 36 ہزار 223 ووٹ لے کر کامیاب ہوگئے۔ آزاد امیدوار ضرار اکبر چوہدری صرف 13 ہزار 220 ووٹ لےکر دوسرے نمبر پر رہے ، حلقہ این اے 143 کی یہ نشست پی ٹی آئی کے حسن نواز کی نااہلی سے خالی ہوئی تھی ۔
این اے 185 ڈیرہ غازی خان: ۔
حلقہ این اے 185 ڈیرہ غازی خان 2 میں بھی ن لیگ نے میدان مار لیا، غیر حتمی غیر سرکاری نتائج کے مطابق ن لیگ کے محمود قادر خان 82 ہزار 416 ووٹ حاصل کرنے میں کامیاب ہوئے جبکہ پیپلز پارٹی کے دوست محمد کھوسہ 49 ہزار 262 ووٹ لےکر دوسرے نمبر پر رہے ،حلقہ این اے 185 کی یہ نشست پی ٹی آئی کی زرتاج گُل کی نااہلی سے خالی ہوئی تھی ۔
پنجاب اسمبلی کی 7 نشستوں کے نتائج: ۔
پی پی 73 سرگودھا: ۔
سرگودھا کے صوبائی حلقے پی پی 73 سے ن لیگ کےسلطان علی رانجھا 71 ہزار 770 ووٹ لے کر کامیاب ہوگئے جبکہ آزاد امیدوار مہر محسن رضا 12 ہزار 970 ووٹ لیکر دوسرے نمبر پر رہے ۔
پی پی 87 میانوالی: ۔
پنجاب اسمبلی کے حلقہ پی پی 87 میانوالی کے تمام 193 پولنگ اسٹیشنز کے نتائج جاری ہوگئے۔ پنجاب اسمبلی میں سابق قائد حزب اختلاف ملک احمد خان بھچر کی نشست پر مسلم لیگ ن کے امیدوار علی حیدر نور خان نیازی 67 ہزار 986 ووٹ لے کر کامیاب ہوگئے جبکہ آزاد امیدوار محمد ایاز خان نیازی 3ہزار 310 ووٹ لیکر دوسرے نمبر پر رہے ۔
پی پی 98 فیصل آباد 1: ۔
پنجاب اسمبلی کے حلقہ پی پی 98 فیصل آباد 1 میں ن لیگ کے آزاد علی تبسم نے 44 ہزار 388 ووٹوں کے ساتھ کامیابی سمیٹ لی جبکہ ان کے مخالف آزاد امیدوار محمد اجمل 35 ہزار 245 ووٹ لیکر دوسرے نمبر پر رہے ۔
پی پی 115 فیصل آباد 18: ۔
پنجاب اسمبلی کے حلقہ پی پی 115 فیصل آباد 18 کے غیر حتمی غیر سرکاری نتائج کے مطابق ن لیگ کے محمد طاہر پرویز کو 49 ہزار 49 ووٹ ملے جبکہ آزاد امیدوار محمد اصغر صرف 18 ہزار 98 ووٹ ہی حاصل کرسکے ۔
پی پی 116 فیصل آباد 19: ۔
پنجاب اسمبلی کے حلقہ پی پی 116 فیصل آباد 19 کے تمام 190 پولنگ اسٹیشنز کے نتائج بھی سامنے آگئے جس کے مطابق ن لیگ کے احمد شہریار 48 ہزار 824ووٹ لے کر کامیاب قرار پائے جبکہ آزاد امیدوار ملک اصغر علی قیصر 11 ہزار 429 ووٹ لیکر دوسرے نمبر پر رہے ۔
اس حلقے سے جیتنے والے لیگی امیدوار احمد شہریار وزیراعظم کے مشیر رانا ثناء اللہ کے داماد ہیں اور یہ نشست پی ٹی آئی کے اسماعیل سیلا کی نااہلی سے خالی ہوئی تھی ۔
پی پی 203 ساہیوال 6: ۔
پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی غیر سرکاری نتائج کے مطابق مسلم ليگ ن کے محمد حنیف 46 ہزار 900 ووٹ لے کر کامیاب ہوگئے جبکہ آزاد امیدوار فلک شیر 10 ہزار 895 ووٹ لےکر دوسرے نمبر پر رہے ۔
پی پی 269 مظفر گڑھ 2: ۔
پنجاب اسمبلی کے حلقہ پی پی 269 مظفر گڑھ 2 میں ن لیگ کو ناکامی کا سامنا کرنا پڑا، اس حلقے کے تمام 156 پولنگ اسٹیشنز کے غیر حتمی غیر سرکاری نتائج کے مطابق پیپلز پارٹی کےمیاں علمدار عباس قریشی 55 ہزار 611 ووٹ حاصل کرکے جیت گئے ۔
