امریکی صدر ڈونلڈ ٹرمپ نے ایک اور دھمکی دیتے ہوئے کہا ہے کہ ایران کو ایک ہی رات میں ختم کر سکتے ہیں اور وہ منگل کی رات ہو سکتی ہے ،ایران نے معاہدہ نہ کیا اور آبنائے ہرمز نہ کھولا تو شدید حملے کریں گے ۔
واشنگٹن میں پریس کانفرنس کے دوران صدر ٹرمپ نے کہا کہ ایران میں پھنسے اپنے فوجی اہلکاروں کو نکالنے کے لیے کیے گئے آپریشن کو تاریخی قرار دیا اور کہا کہ انہوں نے فوج کو ہر ممکن اقدام کی ہدایت دی تھی تاکہ اپنے اہلکاروں کو بحفاظت واپس لایا جا سکے ۔
امریکی صدر کا کہنا تھا کہ اس ریسکیو مشن میں اکیس امریکی فوجی طیارے استعمال کیے گئے جبکہ دوسرے بڑے آپریشن میں ایک سو پچپن طیارے شامل تھے ۔
انہوں نے کہا کہ اس دوسرے مشن میں چار بمبار طیارے 64 لڑاکا طیارے اڑتالیس ایندھن فراہم کرنے والے طیارے اور تیرہ ریسکیو طیارے شریک تھے ۔
انھوں نے منگل ڈیڈ لائن پر ایک بار پھر خبردار کرتے ہوئے کہا کہ اگر ایران نے امن معاہدہ نہ کیا یا آبنائے ہرمز کو نہ کھولا تو ایران کے پاور پلانٹس پلوں اور دیگر اہم تنصیبات کو نشانہ بنایا جائے گا ۔
