ڈیرہ اسماعیل خان: تھانہ پنیالہ کی حدود میں عبدالخیل گاؤں کے قریب ڈی ایس پی سید مرجان خان کے جواں سال بیٹے نعمان خان کو نامعلوم افراد نے فائرنگ کرکے قتل کردیا ۔
نامعلوم افراد نے نوجوان کو قتل کرنے کے بعد اس کی لاش کو قریبی کھیتوں میں پھینک دیا، پولیس نے نعش کو برآمد کرکے پوسٹ مارٹم کے لئے پنیالہ ہسپتال منتقل کردیا ۔
مقتول نوجوان نعمان خان سب ڈویژن جنڈولہ ٹانک میں تعینات ڈی ایس پی سید مرجان کا بیٹا تھا، پولیس نے واقعے کا مقدمہ نامعلوم افراد کے خلاف درج کرکے تحقیقات شروع کردیں۔
