ذرائع کے مطابق پاکستان بھر کے تین اضلاع کے سیوریج کے نمونوں میں پولیو وائرس کا پتہ چلا ہے۔
تفصیلات کے مطابق سیوریج لائنوں میں ٹائپ ون وائلڈ پولیو وائرس پایا گیا۔ ذرائع کے مطابق متاثرہ اضلاع میں کراچی جنوبی، کورنگی اور ڈیرہ بگٹی، بلوچستان شامل ہیں۔یہ نمونے 11 سے 13 جون کے درمیان پولیو وائرس کی جانچ کے لیے جمع کیے گئے تھے۔تین نئے نمونوں کا پتہ لگانے کے بعد 2024 میں سیوریج کے مثبت نمونوں کی تعداد بڑھ کر 214 ہو گئی ہے۔
6 سے 11 جون تک متاثرہ اضلاع میں پولیو ٹیسٹنگ کے لیے نمونے لیے گئے۔ پاکستان میں 2024 میں اب تک پولیو وائرس کے آٹھ کیسز رپورٹ ہوئے ہیں۔جون میں پاکستان میں سندھ اور بلوچستان سے پولیو کے دو مزید کیسز رپورٹ ہوئے۔قومی ادارہ صحت نے پولیو کے دو کیسز کی تصدیق کی تھی، بلوچستان کے قلعہ عبداللہ سے ایک دو سالہ بچہ اور کراچی کیماڑی سے تعلق رکھنے والی 3 سالہ بچی پولیو کا شکار ہوئی تھی۔
پاکستان میں گزشتہ سال پولیو کے چھ کیسز رپورٹ ہوئے جن میں سے چار خیبرپختونخوا اور دو کراچی سے تھے۔پولیو ایک ایسا مرض ہے جو فالج، معذوری اور موت کا سبب بھی بن سکتی ہے۔ پولیو سے بچاؤ کا سب سے مؤثر طریقہ ویکسینیشن ہے، اور پاکستان اس بیماری کے پھیلاؤ کو روکنے کے لیے پانچ سال سے کم عمر کے لاکھوں بچوں کو قطرے پلانے کے لیے کام کر رہا ہے۔تاہم اس بات کی تصدیق نہیں ہو سکی کہ متاثرہ بچے کو پولیو سے بچاؤ کے قطرے پلائے گئے تھے یا نہیں۔
