اسلام آباد: صدرِ پاکستان آصف علی زرداری اور وزیراعظم شہباز شریف نے وینزویلا میں آنے والے زلزلے کے نتیجے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
صدر آصف علی زرداری نے اپنے تعزیتی پیغام میں زلزلے سے ہونے والی اموات پر افسوس کا اظہار کرتے ہوئے کہا کہ پاکستان اس مشکل گھڑی میں وینزویلا کی حکومت اور عوام کے غم میں برابر کا شریک ہے۔
دوسری جانب وزیراعظم شہباز شریف نے بھی زلزلے کے باعث ہونے والے جانی نقصان پر افسوس کا اظہار کیا اور متاثرہ خاندانوں سے ہمدردی کا اظہار کیا۔ انہوں نے زخمیوں کی جلد اور مکمل صحت یابی کے لیے دعا بھی کی۔
پاکستانی قیادت نے اس سانحے پر وینزویلا کے عوام کے ساتھ مکمل یکجہتی کا اظہار کرتے ہوئے متاثرہ خاندانوں کے لیے نیک تمناؤں کا اظہار کیا ہے۔
