وزیراعظم نے آزاد کشمیر کیلئے فوری 23 ارب روپے کی فراہمی کی منظوری دیدی ہے۔
وزیراعظم شہباز شریف کی زیرصدارت آزاد کشمیر کی صورتحال پر خصوصی اجلاس ہوا ہے۔اس اجلاس میں وزیراعظم آزاد کشمیر، آزادکشمیرکے وزرا اور اعلیٰ سمیت سیاسی قیادت نے شرکت کی ہے۔جبکہ وفاقی وزرا اور اتحادی جماعتوں کے زعما بھی اس اجلاس میں شریک تھے۔اجلاس کے دوران آزاد کشمیر کی حالیہ صورتحال کا تفصیل سے جائزہ لیا گیا جبکہ کشمیری عوام کے مسائل کو حل کرنے کیلئے وزیراعظم شہباز شریف نے 23 ارب روپے کی فوری فراہمی کی منظوری دی ہے۔وزیراعظم کی منظوری پر کشمیری قیادت اور جملہ شرکا نے شہباز شریف کا شکریہ ادا کیا۔یاد رہے کہ بجلی کے بلوں اور مہنگائی کے خلاف عوامی ایکشن کمیٹی کی اپیل پر آزاد کشمیر میں احتجاج جاری ہے اور ساتھ ہی مختلف شہروں سے قافلے لانگ مارچ کررہے ہیں۔
