مشیر اطلاعات خیبرپختونخوا بیرسٹر ڈاکٹر سیف کے مطابق کے پی کو 590 ارب روپے دینے سے متعلق وزیراعظم شہباز شریف کا بیان بالکل جھوٹا ہے۔
وزیراعظم شہباز شریف کے بیان پر ردعمل دیتے ہوئے بیرسٹر سیف نے کہا کہ یہ رقم 2010 میں سوات آپریشن کے تعمیر اور بحالی کے کاموں پر خرچ ہوئی،جبکہ این ایف سی کے تحت بقایا جات تاحال نہیں ملے ہیں۔ان کے مطابق نااہل ٹولہ دہشت گردی جیسے اہم معاملے پر بھی سیاست کی جارہی ہے،عزم استحکام کو استعمال کرتے ہوئے نااہل ٹولے نے عوام اور فوج میں دوریاں پیدا کرنے کی کوشش کی۔مشیر اطلاعات کے مطانق دہشت گردی صرف کے پی کا نہیں بلکہ پورے ملک کا مسئلہ ہے،اس لئے دہشت گردی کا خاتمہ صوبے سے زیادہ وفاق کی ذمہ داری ہے۔
