پاکستان سُپر لیگ 10 کے تیسرے میچ میں ملتان سلطانز کے 235 رنز کا ہدف کراچی کنگز نے آخری اوور میں 6 وکٹوں کے نقصان پر حاصل کرکے شاندار کامیابی حاصل کی ۔
کراچی میں کھیلے گئے میچ میں کراچی کنگز نے ٹاس جیت کر فیلڈنگ کا فیصلہ کیا اور ملتان سلطانز کو بیٹنگ کی دعوت دی ۔
ملتان سلطانز نے مقررہ20 اوورز میں 3 وکٹوں کے نقصان پر 234رنز بنائے، کراچی کنگز کی جانب سے حسن علی، عباس آفریدی اور خوشدل شاہ نے ایک ایک وکٹ حاصل کی ۔
کپتان محمد رضوان شاندار 105 رنز بنا کر ناقابل شکست پویلین لوٹے۔ مائیکل بریسویل 44 رنز بنا کر ناٹ آؤٹ رہے،کامران غلام 36، عثمان خان 19 اور شائی ہوپ 8 رنز بنا کر آؤٹ ہوئے ۔
کراچی کنگز نے 237 رنز کا ہدف آخری اوور میں 6 وکٹوں کے نقصان پر حاصل کیا، جیمز ونس نے دھواں دار 101 رنز بنا کر ٹیم کی فتح میں اہم کردار ادا کیا، خوشدل شاہ 60، ٹِم سائفرٹ 32، کپتان ڈیوڈ وارنر 12، عرفات منہاس 10 بنانے میں کامیاب رہے ۔
ملتان سلطانز کی جانب سے عاکف جاوید نے 3 ، اسامہ میر اور مائیکل بریسویل نے 1، 1 وکٹ حاصل کی ،شاندار 101 رنز کی اننگز کھیلنے پر جیمز ونس کو مین آف دی میچ کا ایوارڈ دیا گیا ۔
