پاکستان سٹاک مارکیٹ میں آج غیر معمولی مندی دیکھنے میں آئی، جہاں کاروبار کے اختتام پر مارکیٹ شدید دباؤ کا شکار رہی۔ ہنڈرڈ انڈیکس 16 ہزار سے زائد پوائنٹس گر گیا
دستیاب اعداد و شمار کے مطابق مارکیٹ کلوز ہوتے وقت ہنڈرڈ انڈیکس 151,972 پوائنٹس کی سطح پر بند ہوا۔
پی ایس ایکس ویب سائٹ کے مطابق ہنڈرڈ انڈیکس میں 16,089 پوائنٹس کی بڑی کمی ریکارڈ کی گئی، جسے حالیہ عرصے کی نمایاں ترین گراوٹ قرار دیا جا رہا ہے۔ کاروبار کے دوران بیشتر شعبوں میں فروخت کا رجحان غالب رہا، جس کے باعث انڈیکس مسلسل نیچے آتا رہا۔
مارکیٹ بند ہونے تک سرمایہ کاروں کو بھاری خسارے کا سامنا کرنا پڑا،
ماہرین کا کہنا ہے کہ مشرق وسطیٰ میں بڑھتی ہوئی کشیدگی، خصوصاً امریکہ ایران جنگ کے درمیان جاری جنگی صورتحال نے عالمی مالیاتی منڈیوں کو ہلا کر رکھ دیا ہے۔ تیل کی قیمتوں میں اتار چڑھاؤ اور خطے میں ممکنہ وسیع تر تصادم کے خدشات کے باعث سرمایہ کاروں نے محتاط حکمت عملی اپناتے ہوئے حصص کی فروخت کو ترجیح دی۔
