پاکستان اسٹاک ایکسچینج میں کاروباری ہفتے کے دوسرے روز زبردست تیزی دیکھنے میں آئی، جہاں ہنڈرڈ انڈیکس 1835 پوائنٹس اضافے کے بعد 186,893 پوائنٹس کی سطح پر پہنچ گیا۔
دوسری جانب انٹر بینک میں کاروبار کے دوران امریکی ڈالر کی قدر میں معمولی کمی ریکارڈ کی گئی۔ ڈالر ایک پیسہ سستا ہو کر 279 روپے 75 پیسے پر آ گیا، جبکہ گزشتہ روز انٹر بینک میں ڈالر 279 روپے 76 پیسے پر بند ہوا تھا۔
ماہرین کے مطابق اسٹاک مارکیٹ میں مثبت رجحان سرمایہ کاروں کے بڑھتے ہوئے اعتماد کا مظہر ہے، جبکہ زرمبادلہ کی مارکیٹ میں ڈالر کی قدر میں استحکام دیکھا جا رہا ہے۔
