پشاور: پاکستان تحریک انصاف خیبر پختونخوا کی پارلیمانی پارٹی نے فیصلہ کیا ہے کہ ایک بار پھر اسلام آباد جائیں گے اور اس بار بھرپور تیاری کے ساتھ جائیں گے۔
تحریک انصاف خیبر پختونخوا کی پارلیمانی پارٹی کا اجلاس وزیر اعلیٰ ہاؤس میں وزیر اعلیٰ علی امین گنڈاپور کی صدارت میں منعقد ہوا جس میں ارکان صوبائی اور قومی اسمبلی نے شرکت کی۔ اجلاس کے دوران اراکینکی جانب سے وزیر اعلیٰ گنڈاپور پر اعتماد کا اظہار کیا گیا، اجلاس میں اسلام آباد میں پی ٹی آئی کارکنوں پر تشدد اور موجودہ سیاسی صورتحال پرتفصلی بحث ہوئی اور اسلام آباد واقعہ سے متعلق ارکان اسمبلی نے اپنی تجاویز کمیٹی کے سامنے رکھیں۔
پی ٹی آئی کی پارلیمانی کمیٹی نے مرکزی قیادت سے ناراضگی کا اظہار کرتے ہوئے استفسار کیا ہے کہ جب ڈی چوک میں گولیاں چل رہی تھیں تو مرکزی قیادت کہاں تھی۔ اس کے بعد اراکین نے فیصلہ کیا کہ ایک بار پھر بھرپور تیاری کے ساتھ اسلام آباد جایا جائے گا۔
