حکام کی جانب سے پی ٹی آئی کی مینار پاکستان پر جلسے کی اجازت کی درخواست مسترد کردی گئی۔
ڈپٹی کمشنر لاہور نے پی ٹی آئی کی 22 مارچ کو جلسے کی اجازت کی درخواست مسترد کرتے یوئے کہا کہ جلسے کی اجازت نہیں دے سکتے۔
لاہور ہائیکورٹ نے رپورٹ کی روشنی میں پی ٹی آئی کی جلسے کی درخواست نمٹا دی۔ جسٹس فاروق حیدر نے اکمل خان باری کی درخواست پر سماعت کی۔ عدالت نے درخواست گزار کو ڈپٹی کمشنر کے فیصلے کو چیلنج کرنے کی ہدایت کردی۔
واضح رہے کہ لاہورہائی کورٹ میں پی ٹی آئی کی 22 مارچ کو مینار پاکستان میں جلسے کی اجازت کی درخواست پر عدالت نے ڈپٹی کمشنر لاہور کو جواب جمع کرانے کی ہدایت کی تھی۔
پی ٹی آئی کی جانب سے دائر درخواست میں مؤقف اپنایا گیا کہ پی ٹی آئی 22 مارچ کو مینار پاکستان پر جلسہ کرنا چاہتی ہے۔ پی ٹی آئی کے اکمل باری کی جانب سے دائر درخواست میں کہا گیا کہ انتظامیہ جلسے کی اجازت کی درخواست پر فیصلہ نہیں کر رہی۔
