متنازع ٹوئٹس کیس میں پشتون تحفظ موومنٹ کے سربراہ منظور پشتین کی درخواست ضمانت منظور کر لی گئی۔ اسپیشل جج سینٹرل اسلام آباد نے متنازع ٹوئٹس کیس میں منظور پشتین کی درخواستِ ضمانت منظور کی۔
عدالت میں سماعت کے دوران منظورپشتین کے وکیل عطا اللہ کنڈی نے کہا کہ کیس میں علی وزیر بھی شریک ملزم ہیں لیکن انہیں ڈسچارج کردیا گیا ہے، انسداد دہشتگردی عدالت نے دیگر دو کیسز میں بھی ضمانت منظور کی ہے۔ عدالت نے دلائل سننے کے بعد 30 ہزار روپے کے مچلکوں کے عوض منظور پشتین کی ضمانت منظور کرلی۔
