وزیر صحت خیبرپختونخوا سید قاسم علی شاہ نے اپنے ایک ویڈیو بیان میں اپنے استعفے کی خبروں کی تردید کرتے ہوئے اسے جھوٹا اور بے بنیاد قرار دے دیا ۔
قاسم علی شاہ نے کہا کہ محکمہ صحت میں دخل اندازی نہیں ہورہی، عدم اعتماد کی خبروں میں صداقت نہیں۔
خیبرپختونخوا کے وزیر صحت قاسم علی شاہ کا کہنا ہے کہ عدم اعتماد کی خبروں میں کوئی صداقت نہیں، وزیراعلیٰ خیبرپختونخوا پر مکمل اعتماد ہے۔
انھوں نے کہا کہ محکمہ صحت میں کسی قسم کی دخل اندازی نہیں ہورہی، وزیراعلیٰ نے ہمیشہ سپورٹ کیا۔
ان کا کہنا تھا کہ بانی چئیرمین نے علی امین کو وزیر اعلیٰ نامزد کیا، اس لئے سب کو انھیں سپورٹ کرنا چاہیے۔
صوبائی وزیر صحت کا کہنا تھا کہ صوبے میں بدعنوانی کی باتیں کرنے والے ہمیں کمزور کرنا چاہتے ہیں، کالی بھیڑوں کو بے نقاب کرکے منظر عام پر لائیں گے۔
