کوئٹہ:پیپلزپارٹی کے انتخابی دفتر پر دستی بم حملہ

کوئٹہ میں پیپلزپارٹی کے انتخابی دفتر پر دستی بم حملہ ہوا ہے۔جس کی وجہ سے 3 افراد زخمی ہو گئے ہیں

اعلامیہ  کے مطابق بلوچستان کے دارلحکومت کوئٹہ میں دستی بم حملہ سریاب روڈ پر پیپلزپارٹی کے انتخابی دفتر پر ہوا ہے۔پولیس کے مطابق 3 افراد  دستی بم حملے میں زخمی ہوگئےجن کو فوری طور پر اسپتال منتقل کیا گیا ہے۔دستی بم حملے میں جناح روڈ پر واقع ٹریفک بوتھ پر اہلکار محفوظ رہے۔پیپلز پارٹی کے رہنما حاجی علی مدد جتک نے گفتگو کرتے ہوئے بتایا کہ دفتر میں بیٹھے ہوئے تھے کہ دستی بم موٹر سائیکل سواروں نے پھینکا، جس کی وجہ سے میرے گارڈززخمی ہو گئے۔

ایسے پٹاخوں سے ہم ڈرنے والے نہیں ہیں،ہم الیکشن میں کامیاب ہو کر لوگوں کے مسائل کو حل کریں گے۔ کوئٹہ میں سیاسی جماعت کے انتخابی دفتر پر الیکشن کمیشن نے حملے کا نوٹس لیتے ہوئے واقعے پر آئی جی بلوچستان اور  چیف سیکرٹری سے رپورٹ طلب کرلی ہے۔ترجمان الیکشن کمیشن کے مطابق الیکشن قوانین کے تحت ایسے واقعات میں ملوث افراد کیخلاف کارروائی کی جائے گی۔