ترجمان سی ٹی ڈی کے مطابق محکمہ انسداد دہشتگردی نے راولپنڈی مغل مارکیٹ کےقریب بڑی کارروائی کرتے ہوئے 2 خطرناک دہشتگردوں کو گرفتار کر لیا ۔
ترجمان نے بتایا کہ دہشت گردوں کی گرفتاری کے لیے انٹیلی جنس بیسڈ کارروائی کی اور تھانہ آئی نائن پر حملے میں ملوث 2 خطرناک دہشت گرد حمزہ اور رومان کو گرفتار کر لیا گیا ۔
ترجمان سی ٹی ڈی کا مزید کہنا تھا کہ دہشت گرد راولپنڈی اور اسلام آباد میں حساس مقامات پر دہشت گردی کے لیے ریکی مکمل کر چکے تھے، دہشت گرد افغانستان میں اہم کمانڈر کے ساتھ رابطے میں تھے ۔
ترجمان نے مزید بتایا ہے کہ دہشت گردوں سے دستی بم، بارودی مواد ڈیٹونیٹر، سیفٹی فیوز وائر اور دیگرسامان برآمد ہوا، دہشت گردوں کے خلاف مقدمہ درج کر کے مزید تفتیش شروع کر دی ۔
ترجمان سی ٹی ڈی کے مطابق ابتدائی تفتیش سے معلوم ہوا ہے کہ چند ماہ قبل تھانہ آئی نائن پر دستی بم حملہ بھی کیا تھا ۔
