ثانیہ مرزا کا خواتین کیلئے اہم پیغام سامنے آگیا ہے۔
بھارت کی سابق ٹینس اسٹار ثانیہ مرزا نےحال ہی میں خواتین کے لئے اہم پیغام دیا۔جو کہ سوشل میڈیا کی زینت بنا ہوا ہے۔سابق ٹینس اسٹار ثانیہ مرزا کو ان کی صلاحیتوں اور کارناموں کی بدولت مداح ان کو ایک رول ماڈل سمجھتے ہیں اور وہ خواتین کے حقوق کے حوالے سے بھی آواز بلند کرتی رہتی ہیں۔
37 سالہ سابقہ کھلاڑی کا پیغام یہ ہے کہ خواتین صرف خوبصورتی یا باورچی خانے تک محدود نہیں ہیں۔انہوں نے یہ انسٹاگرام پر شیئر کیا۔اس اسٹوری میں ثانیہ مرزا نے اپنے خیالات کا اظہار کرتے ہوئے کہا کہ خواتین اس سے کہیں زیادہ ہیں جو کہ معاشرہ ان کو بنانا چاہتا ہے۔
اس کے ساتھ ہی ثانیہ مرزا نے انسٹا اسٹوری میں اپنے ایک انٹرویو کا اسکرین شاٹ بھی شیئر کیا جس میں ان کا پیغام درج ہے،ثانیہ مرزا کے خیال میں خواتین سے صرف یہ امید نہیں کرنی چاہیے کہ وہ صرف خوبصورت نظر آئیں اور کھانا پکائیں بلکہ وہ اس سے کہیں زیادہ کرسکتی ہیں۔یاد رہے کہ سابقہ بھارتی ٹینس اسٹار ریٹائرمنٹ کے بعد ان دنوں اپنے 6 سالہ بیٹے اذہان مرزا ملک کی پرورش کے ساتھ مختلف کمرشلز اوربھارتی اسپورٹس شوز میں بھی دکھائی دے رہی ہیں۔
