Latest Urdu news from Pakistan - Peshawar, Lahore, Islamabad

پنجاب حکومت:مفت سولر سسٹم فراہم کرنے کا طریقہ کار نکال لیا

پنجاب حکومت نے صوبے کی  مستحق عوام کے لئے مفت سولرسسٹم فراہم کرنے کا طریقہ کار نکال لیا ہے۔

دستاویزات کے مطابق ماہانہ 100 یونٹس تک بجلی کو استعمال کرنے والے 50 ہزار گھرانوں کو مفت سولر سسٹم دیا جائےگا۔ جس کے تمام اخراجات کو صوبائی حکومت برداشت کرے گی اور صارفین ایس ایم ایس کے ذریعے رجسٹریشن کرا سکیں گے۔

سولرسسٹم اور انسٹالیشن کا 100فیصد تک خرچہ پنجاب حکومت برداشت کرے گئی، اس منصوبے پر 10 ارب روپے تک لاگت آئے گی۔اس اسکیم سے میٹر ٹیمپرننگ ریکارڈ یا کسی بھی دوسری اسکیم سے مستفید گھرانے اہل نہیں ہوں گے۔دستاویزات کے مطابق اہل صارفین بل ریفرنس نمبر اور شناختی کارڈ نمبر 8800 پر بھیج گئے اور اس کے ذریعے اپنی رجسٹریشن کروا سکیں گے، سو یونٹس سے کم بجلی استعمال کرنے والے صارفین کا ڈیٹا نیشنل ٹیلی کمیونیکیشن کارپوریشن کو دیا جائے گا۔

این ٹی سی تصدیق کے بعد ہیاہل صارفین کا ڈیٹا پی آئی ٹی بی کو بھی فراہم کرے گا، جس کے بعد پی آئی ٹی بی سے جاری حتمی لسٹیں ضلعی انتظامیہ کو بھیجی جائیں گی۔سرکاری دستاویزات کے مطابق اس منصوبے پر عملدرآمد کرنے کے لئے محکمہ توانائی کو پراجیکٹ مینجمنٹ یونٹ کے قیام کی منظوری بھی دے دی گئی ہے، یکم جولائی سےمنصوبے کو نئے مالی سال کا حصہ بنا کر عملدرآمد کا آغاز کیا جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.