بلاوائیو میں کھیلے گئے دوسرے ایک روزہ میچ میں پاکستان نے 146 رنز کا ہدف 18.1 اوورز میں بغیر کسی نقصان کے حاصل کرلیا۔
صائم ایوب نے پاور ہٹنگ کرتے ہوئے 62 گیندوں پر 3چھکوں اور 14 چوکوں کی مدد سے 113 رنز بنائے، عبداللہ شفیق 32 رنز کے ساتھ ناٹ آؤٹ رہے۔
اس سے قبل زمبابوے نے ٹاس جیت کر پہلے بیٹنگ کا فیصلہ کیا جو درست ثابت نہ ہو سکا ۔
زمبابوے کی پوری ٹیم 32.3 اوورز میں 145 بناکر ڈھیر ہوگئی۔ پاکستان کی جانب سے ابرار احمد نے 4 ،سلمان آغا 3 جبکہ صائم ایوب اور فیصل اکرم نے ایک ایک وکٹ اپنے نام کی۔
میزبان ٹیم کی جانب سے 146 رنز کا ہدف قومی ٹیم کے اوپنر بیٹرز نے 18.2 اوورز میں بغیر کوئی وکٹ گرائے پورا کرکے کامیابی حاصل کی ۔
شاندار اور دھواں دار بیٹنگ پر صائم ایوب میچ کے بہترین کھلاڑی قرار دیئے گئے ۔پاکستان اور زمبابوے کے درمیان سیریز کا تیسرا اور فیصلہ کن میچ جمعرات کو کھیلا جائے گا ۔
