آئی ایس پی آر کے مطابق بلوچستان کے ضلع ہوشاب میں سکیورٹی فورسز کے آپریشن میں فائرنگ کے تبادلے میں ایک دہشت گرد ہلاک جبکہ 2 زخمی ہوگئے۔
آئی ایس پی آرکا کہنا ہے کہ سکیورٹی فورسز اور دہشتگردوں کے درمیان شدید فائرنگ کا تبادلہ ہوا جس میں دہشت گرد علی جان ہلاک اور 2 دہشتگرد زخمی ہوئے ہیں ۔
آئی ایس پی آر نے بتایا کہ ہلاک دہشتگرد کے قبضے سے اسلحہ، گولہ بارود اور دھماکا خیزمواد برآمد کرلیا گیا ہے۔
آئی ایس پی آر کا یہ بھی کہنا ہے کہ ہلاک دہشت گرد اغوا ،ٹارگٹ کلنگ، متعدد دہشت گرد کارروائیوں میں ملوث تھا۔
