سکیورٹی ذرائع کی جانب سے بانی پی ٹی آئی عمران خان کی جانب سے فیض حمید کے اوپن ٹرائل کے مطالبے پر سخت ردعمل آگیا ۔
سکیورٹی ذرائع نے کہا ہے کہ بانی پی ٹی آئی ہوتا کون ہے یہ بتانے والا کہ فیض حمید کا ٹرائل اوپن کورٹ میں ہوگا یا نہیں۔
ذرائع کا مزید کہنا تھا کہ اگر بانی پی ٹی آئی کا اس معاملے میں ٹرائل ہوا تو تسلی رکھیں اوپن ہی ہو گا تاکہ ساری دنیا کو پتا چلے کہ بانی کیا کرتا اور کرواتا رہا ہے۔
عمران خان نے مطالبہ کیا تھا کہ جنرل (ر) فیض حمید کا ٹرائل اوپن کورٹ میں کیا جائے، جنرل فیض اور میرا معاملہ فوج کا اندرونی مسئلہ نہیں، میں سول سابق وزیراعظم ہوں مجھے ملٹری کورٹ میں لے جانے سے پاکستان کا امیج خراب ہو گا۔
انہوں نے کہا کہ جنرل (ر) فیض ریٹائرمنٹ کے بعد زیرو ہو گیا مجھے کیا فائدہ دے گا کہ اس سے رابطہ رکھوں، جنرل (ر) فیض ریٹائرمنٹ کے بعد ہیرو نہیں رہا تھا۔
