چیمپئینز ون ڈے کپ میں لائنز اور پینتھرز کے درمیان میچ ہوا جس میں شاداب خان کی شاہین آفریدی کیساتھ ہونے والی لڑائی نے سب کی توجہ حاصل کرلی۔
ذرائع کے مطابق ، گزشتہ روز اقبال اسٹیڈیم فیصل آباد میں میچ کھیلا گیا ـ جس میں پینتھرز اور لائنز کی ٹیمیں مدمقابل آئیں جہاں شاداب کی ٹیم 46.5 اوورز میں 283 رنز بناکر پویلین لوٹ گئی جبکہ ہدف کے تعاقب میں اُتری لائنز کی ٹیم محض 199 رنز بناکر ڈھیر ہوگئی۔
اس میچ میں لائنز کی بیٹنگ کے 29ویں اوور کے دوران شاداب خان نے شاہین شاہ آفریدی کو بال کروائی اور تلخ جملے بھی کہے ، تاہم شاہین آفریدی نے کوئی ردعمل ظاہر نہیں کیا اور پُرسکون انداز اپنایا ـ جبکہ اگلے اوور میں اسامہ میر نے شاہین کو صفر پر پویلین بھیج دیا۔
اس اوور کے دوران شاداب خان ، شاہین آفریدی کے ساتھ کچھ تلخ کلامی میں مصروف تھے، کیونکہ لائنز 284 رنز کے تعاقب میں 156-6 پر جدوجہد کر رہی تھی اور بالآخر 35.2 اوورز میں صرف 199 رنز پر ڈھیر ہوگئی۔
اس میچ میں شاہین کی کارکردگی مایوس کُن رہی جنہوں نے بالنگ میں 9.5 اوورز میں 57 رنز لٹائے تاہم تین وکٹیں لیں۔
