قومی ٹیم کے نائب کپتان بنانے کی کوئی ضرورت نہیں ہے۔شاہد آفریدی نے پی سی بی سے کرکٹ کے تینوں فارمیٹ میں ایک ہی کپتان بنانے کا مطالبہ کر دیا ہے
قومی کرکٹ ٹیم کے سابق کپتان شاہد خان آفریدی نے میڈیا سے گفتگو میں کہا کہ پی سی بی کو کرکٹ کے تینوں فارمیٹ میں ایک ہی کپتان بنانے کا اعلان کر کے اسے 2سے 3سال کا وقت دینا چاہیے تاکہ کپتانی کی لڑائی ختم ہو جائے۔انہوں نے کہا کہ کرکٹ میں کسی کو بھی نائب کپتان بنانے کی ضرورت نہیں ہے۔
کسی وجہ سے میچ میں جہاں کپتان موجود نہ ہو تو کسی کھلاڑی کو وہاں موقع دیکھ کر کپتانی کی ذمہ داری دے دینی چاہیے۔واضح رہے کہ قومی کرکٹ ٹیم کے سابق کپتان بابر اعظم کی جانب سے تینوں فارمیٹ کی کپتانی چھوڑنے کے بعد شاہین آفریدی کو ٹی 20ٹیم کی کپتانی سونپی گئی تھی محمد رضوان کو نائب کپتان بنایا گیاتھا جبکہ قومی ٹیسٹ ٹیم کا کپتان شان مسعود کو بنایا گیا اور دورہ آسٹریلیا میں شاہین آفریدی نائب کپتان تھے۔
