شانگلہ : (تحسین اللہ تاثیر) شنگ میں گورنمنٹ ہائیر سیکنڈری سکول بوٹیال اور فیضان سکول بشام کے درمیان کرکٹ میچ جاری تھا، میچ کے دوران کھلاڑیوں میں ہاتھا پائی ہوئی، ایک دوسرے پر لاتوں اور گھونسوں کی بارش کر دی۔
گراونڈ میں دیگر کھلاڑیوں کی مداخلت سے معاملہ رک گیا تاہم میچ کے اختتام پر واپس جاتے ہوئے جھگڑے میں شامل ایک کھلاڑی نے دوسرے کھلاڑی کو سبق سکھانے کیلئے ساتھیوں کے ہمراہ سرکاری گاڑی میں آئے ،دوسرے فریق کی گاڑی کو سڑک پر زبردستی روکا اور گاڑی میں موجود لڑکے پر بہیمانہ تشدد کیا اور ان کے کپڑے بھی پھاڑے دیئے۔ جس کی ویڈیو بھی سوشل میڈیا پر وائرل ہوگئی ہے۔
مقامی ذرائع کا کہنا ہے کہ واقعے کے کئی گھنٹے گزرنے کے بعد بھی پولیس نے ملزمان کو گرفتار نہیں کیا۔
