پاکستان تحریک انصاف کے رہنما شیرافضل مروت نے اپنی ہی پارٹی کو دھو ڈالا، انہوں نے خیبرپختونخوا کی صوبائی حکومت کو آڑے ہاتھوں لیا۔ انہوں نے پی ٹی آئی کی حکومت پر کڑی تنقید کی۔
ایبٹ آباد میں کارکنوں سے خطاب میں شیر افضل مروت کا کہنا تھا کہ ماضی کے غلط فیصلے پرڈٹے رہنا جاہلوں کی نشانی ہے۔ ان کا کہنا تھا کہ کارکردگی کی بنیاد پرووٹ ملتا توخیبرپختونخوامیں پی ٹی آئی کی حکومت نہ بنتی، پسماندگی کو ترقی اور دھوکے کوحقیقت نہیں کہہ سکتے، کارکردگی کا پیمانہ اور معیار رکھتے تو ہمیں آج طعنے نہیں ملتے۔ ان کا کہناتھا کہ ماضی کی ناکامیوں کو تسلیم کرناہوگا۔
