پشاور: (تحسین اللہ) باجوڑ کے علاقہ صدیق آباد پھاٹک تبلیغی مرکز کے گیٹ کے قریب نامعلوم افراد نے فائرنگ کی، جس کے نیتجے میں معروف کاروباری شخصیت اور سماجی رہنما حاجی شیر زمین جاں بحق ہوگئے۔
پولیس کے مطابق حاجی شیر زمین مرکز میں ہفتہ وار مشورے کیلئے مسجد میں داخل ہو رہے تھے کہ اس دوران نامعلوم افراد نے ان پر فائرنگ کھول دی۔پولیس نے واقعے کا مقدمہ درج کرکے تحقیقات شروع کی ہے۔
دوسری جانب پشاور کے علاقہ ناصر باغ ریگی روڈ پر دو ملزمان نے پراپرٹی ڈیلر کے دفتر میں گھس کر فائرنگ کی ۔
فائرنگ سے پراپرٹی ڈیلر اختر حسین عرف اختر جاں بحق ہوئے۔ پولیس کے مطابق واقعہ پرانی دشمنی کی بنیاد پر پیش آیا ہے۔
