اسلام آباد: ایس آئی ایف سی کی معاونت سے ہیلتھ سیکٹر میں خود انحصاری اور برآمدات کی جانب پیش رفت جاری ہے۔
ایس آئی ایف سی کے صحت اور فارما سیکٹر میں اصلاحات پر پیش رفت کا جائزہ اجلاس منعقد ہوا۔
وفاقی وزیرِ صحت اور ڈی جی ایس آئی ایف سی کی زیرِ صدارت اجلاس میں صحت کے شعبے کی بہتری کے لیے اقدامات کا جائزہ لیا گیا۔
اجلاس میں مقامی ویکسین کی تیاری، پلازما فریکشنیشن کے منصوبے اور قومی پالیسی پیکیج پر پیش رفت زیرِ غور آئی۔
اجلاس میں ڈرگ ٹریک اینڈ ٹریس سسٹم کے نفاذ اور صحت کے شعبے کی برآمدی صلاحیت بڑھانے پر تبادلۂ خیال کیا گیا۔
پاکستان کے صحت و فارما شعبے میں جدت، سرمایہ کاری اور ترقی میں ایس آئی ایف سی اہم کردار ادا کر رہا ہے۔
