مشہور پاکستانی گلوکار راحت فتح علی خان کو دبئی کے ائیرپورٹ پر گرفتار کرلیا گیا ہے۔
راحت فتح علی خان کو گرفتار کرنے کے بعد بُرج دبئی پولیس اسٹیشن میں رکھا گیا ہے۔ذرائع کے مطابق گلوکار راحت فتح علی خان کے سابق منیجر سلمان احمد نے ان کے خلاف دبئی کے حکام کو درخواستیں دے رکھی ہیں۔ذرائع کے مطابق راحت فتح علی خان اپنےکنسرٹس کے سلسلے میں دبئی گئے تھے۔راحت فتح علی خان نے چند ماہ پہلے اپنے منیجر سلمان احمد کو تنازع کے بعد برطرف کیا تھا،جس پر گلوکار راحت فتح علی خان اور سابق پروموٹر سلمان نے ایک دوسرے کے خلاف مقدمات درج کر رکھے ہیں۔
