پاکستان کی پرعزم سیکورٹی فورسز نے کامیاب کارروائی کرتے ہوئے حساس تنصیبات پر حملے کی منصوبہ بندی ناکام بنا دی اور کامیاب آپریشن کرتے ہوئے فتنہ الخوارج کے چھ دہشت گردوں کو گرفتار کرلیا۔
ذرائع کے مطابق دہشت گردوں کو اسلام آباد اور خیبرپختونخوا سے گرفتار کیا گیا۔ اسلام آباد کے سیکٹر ایچ تیرہ سے گرفتار ملزم کی نشاندہی پر سوات میں بھی آپریشن کیا گیا۔ گرفتاردہشت گرد نور ولی محسود گروپ سے رابطے میں تھے۔ ملزمان کے قبضے سے بھاری مقدار میں بارودی مواد برآمد لیا گیا۔ تمام گرفتار دہشت گردوں سے مزید تفتیش جاری ہے۔
