پاکستانی اداکارہ سونیا حسین کے انکشاف کے مطابق انہیں معروف بالی وڈ اداکار عمران ہاشمی کے ساتھ فلم کی پیشکش کی گئی تھی جس کو انہوں نے قبول نہیں کیا۔
سونیا حسین نے بتایا کہ انہیں بھارت سے فلموں میں کام کرنے کی پیشکش کی گئی۔اداکارہ کے مطابق انہیں ماضی میں کئی بالی وڈ فلموں میں کام کی پیشکش ہو چکی ہے۔ذرائع کے مطابق سونیا حسین نے بتایا ہے کہ ان کو بالی وڈ اداکار عمران ہاشمی کے ساتھ کام کرنے کی پیشکش ہوئی تھی جس کے بعد انہوں نے اس فلم کی ٹیم سے ملاقات بھی کی،لیکن اسی دوران پاکستان اور بھارت کے تعلقات کشیدہ ہو گئے تھے۔
مزید انہوں نے بتایا کہ جس وقت مجھے عمران ہاشمی کے ساتھ کام کی آفر ہوئی، اس وقت میری عمر بہت ہی کم تھی، میں جوان تھی جس کی وجہ سے میرے اوپر فیملی کی طرف سے سختیاں بھی تھیں۔اس کے علاوہ اس وقت شوبز کیریئر کے ساتھ ساتھ میری پڑھائی بھی چل رہی تھی جس کے باعث میں نے اس فلم میں کام کرنے سے انکار کر دیا تھا۔سونیا حسین کے مطابق ان کو بھارتی اداکار سنتوش کمار کی پرانی فلم کے ریمیک اور مشہور ناول نگار شیکسپیئر کے ناول پر مبنی ایک بالی وڈ فلم میں کام کرنے کی پیشکش بھی ہو چکی ہے۔
