پاک فوج کے زیر اہتمام پشاور میں خیبرپختونخوا کی مختلف جامعات کے طلباء و طالبات کیلئے اسپورٹس گالا کا انعقاد کیا گیا جس مین اسپورٹس گالا میں طلباء و طالبات کی بڑی تعداد نے حصہ لیا۔
طلباء و طالبات نے کھیلوں کے مختلف مقابلوں بشمول تیر اندازی ، رسہ کشی، بیڈمنٹن، کرکٹ، فٹبال، 100 اور 400 میٹر ریس ، 9 ایم ایم فائر، ائیر گن ، اور میوزیکل چیئر میں حصہ لیا ۔ مقامی بریگیڈ کمانڈر نے بطور مہمان خصوصی طلباء و طالبات میں انعامات تقسیم کئے۔
طلبہ کا کہنا تھا کہ ہم پاک فوج کے شکر گزار ہیں کہ ہمارے لیے ایک بہترین ماحول میں اسپورٹس گالا کا انعقاد کیا گیا۔ پاک فوج کی جانب سے اسپورٹس گالا ایونٹ کا کامیاب انعقاد انتہائی خوش آئیند ہے۔
ایونٹ میں شریک طلبہ کا مزید کہنا تھا کہ اس طرح کے ایونٹس نوجوانوں میں مثبت سوچ و فکر پیدا کرتے ہیں، پڑھائی کے ساتھ ساتھ اس طرح کے ایونٹس مفید ثابت ہوتے ہیں۔
