سپیکر بابر سلیم سواتی کے زیر صدارت خیبر پختونخوا اسمبلی کا اجلاس ہوا جس میں پیپلز پارٹی کے رکن احمد کنڈی نے آئینی اداروں کو اپنا کردار ادا کرنے کی قرار داد پیش کی۔
پیپلز پارٹی کے رکن کی جانب سے پیش کی گئی قرارداد کو ایوان میں متفقہ طور پر منظور کرلیا گیا۔
قرارداد میں کہا گیا ہے کہ آئینی ادارے لوگوں کی جان و مال، جمہوری، آزادی اظہار رائے کو دبانے سے گریز کیا جائے ۔
قرارداد کے متن میں مطالبہ کیا گیا ہے کہ ریاستی ادارے آئین کی متعلقہ شقوں پر اس کی روح کی مطابق عمل کریں۔
قرارداد کے مطابق برصغیر کے مسلمانوں نے پاکستان حاصل کرنے کے لئے جانوں کے نذرا نے پیش کیے۔
احمد کنڈی نے اپنی قرارداد میں کہا ہے کہ برصغیر کے مسلمانوں خصوصاً پختونوں نے بے پناہ تکالیف برداشت کیں۔
قرارداد میں مزید کہا گیا ہے کہ 12اگست 1948 کو سانحہ بابڑہ کا دل خراش واقعہ قابل مذمت ہے۔
قرارداد میں یہ مطالبہ بھی کیا گیا ہے کہ قیام پاکستان سے لے کر آج تک وطن عزیز کے لوگ آزادی اظہار رائے سے محروم ہیں۔
