ایران کے صوبہ ہوزستان میں 4.9 کی شدت کے شدید زلزلے کے جھٹکےمحسوس کئے گئے ہیں
زلزلے کے جھٹکوں کے باعث خوف کی فضا پیدا ہوگئی ہے۔تہران یونیورسٹی سسمولوجی سینٹر کے مطابق زلزلے کا مرکز ہوزستان کا شہر مشراگہ اور زیرِ زمین گہرائی 16 کلومیٹر تھی، یہ زلزلہ 12 بج کر 15 منٹ پر آیا، زلزلے کی شدت 4.9 ریکارڈ کی گئی ہے۔بین الاقوامی خبردساں اداروں کے مطابق زلزلے میں کسی جانی یا مالی نقصان کے بارے میں تاحال کوئی معلومات فراہم نہیں کی گئیں۔اس سے قبل یاد رہے کہ تائیوان میں آنے والے 7.4 شدت کے زلزلہ نے تائیوان کو ہلا کر رکھ دیا تھا،متعددعمارتیں زلزلے سےگرگئیں اور سونامی الرٹ بھی جاری کردیا گیا تھا۔امریکی جیولوجیکل سروے کے مطابق زلزلہ مقامی وقت کے مطابق صبح 7:58 بجے ہوالین شہر سے 18 کلومیٹر (11 میل) جنوب میں اور 34.8 کلومیٹر (21 میل) کی گہرائی میں آیا، جزیرے بھر میں اس کے بعد کئی آفٹر شاکس آئے، جن کی شدت 5 ریکارڈ کی گئی۔
